რა უნდა ვიცოდეთ დიზელ-გენერატორის შესახებ?

დიზელ-გენერატორი წარმოადგენს მძლავრ ძრავს, რომელიც საწვავს გარდაქმნის ელექტროენერგიად. აღნიშნული ენერგია კი  გამოყენებადია ყველგან:

– ძირითად წყაროდ, სადაც შეუძლებელია სტაციონალურ ქსელთან მიერთება. ასეთებია მოშორებული ობიექტები, სამხედრო, ტურისტული, სამთო-მომპოვებელი, სამშენებლო და სხვა ეგრედწოდებული off-grid ობიექტები. 

– საავარიო წყაროდ – სადაც დაუშვებელია ელ.ენერგიის მიწოდების შეწყვეტა თუნდაც რამდენიმე წუთით, მაგალითად – საავადმყოფოებში, მონაცემთა ცენტრებში, მაღალი დაცვის ობიექტებზე, სავაჭრო ცენტრებში, სპორტულ-გასართობ ღონისძიებებზე და სხვა;

–  ალტერნატიულ წყაროდ – სადაც ელ.ენერგიის გათიშვა კონკრეტულ ფინანსურ დანაკარგებს ნიშნავს, მაგალითად ავტოგასამართ სადგურებზე, სამშენებლო მოედნებზე, მცირე კომერციულ ობიექტებზე და ა.შ.

აღნიშნული მიზნების მისაღწევად გამოიყენება სხვადასხვა დიაპაზონის სიმძლავრის გენერატორები, დაწყებული 5 KW-დან 3500 KW-მდე. 

შესაბამისად, დანადგარის მწარმოებელმა ან გამყიდველმა დაწვრილებით უნდა შეისწავლოს ობიექტის მოთხოვნილებები და შესთავაზოს კლიენტს მისაღები სიმძლავრისა და სხვა პარამეტრების გენერატორი.

როგორ მუშაობს დიზელ-გენერატორი

დიზელ-გენერატორი მუშაობს საწვავის შიდა წვის პრინციპით. შიდა წვის დროს იგი წარმოშობს გაზებს, რომლებიც ფართოვდება და მოძრაობაში მოყავს (ატრიალებს) მუხლუხა ლილვი, რის შედეგადაც წარმოიქმნება მექანიკური ენერგია. ამ ენერგიას მოძრაობაში მოყავს როტორის მექანიზმი, რომელიც ზეგავლენას ახდენს ცვლადი დენის გამმომუშავებელ ელექტრომაგნიტურ ველზე. დენი თავს იყრის ხვიებში, რის შემდგომაც ნახულობს გამოსასვლელს მისი შემდგომი დანიშნულებისამებრ გამოყენებისათვის. ამ სისტემაში გამოყენებულია მრავალი დეტალი, რომლებიც ფუნქციონირებენ და საშუალებას იძლევიან მივიღოთ სასურველი შედეგი ელექტროენერგიის სახით.

დიზელ-გენერატორის ძირითადი ტიპები

კლიმატური ზონის გათვალისწინებით, დიზელ-გენერატორები განკუთვნილია სხვდასხვა პირობებში სამუშაოდ, მაგალითად როგორიც არის ტროპიკები და ზღვის ჩრდილოეთის კლიმატური პირობები.

ასევე, მნიშვნელოვნად განსხვავდებიან ერთმანეთისაგან: სტაციონარული და მოძრავი გენერატორების კონსტრუქციები. მოძრავი ტიპის განსაკუთრებით მნიშვნელოვანია იმ შემთხვევაში, როცა მომსახურე ობიექტები მუდმივად იცვლიან ადგილსამყოფელს.

სარეზერვო ენერგიის წყაროდ გამოყენების შემთხვევაში, გენერატორების მოდელები ასევე განსხვავდებიან ერთმანეთისაგან. ენერგიის ძირითად წყაროდ გენერატორებს იყენებენ ადგილებში, სადაც არ არსებობს ელექტროგადამცემი ხაზები. სარეზერვო ელექტროენერგიის წყაროდ, გენერატორებს იყენებენ საგანმანათებლო, სამედიცინო, საბანკო დაწესებულებებში, სავაჭრო ცენტრებსა და სამრეწველო ობიექტებზე.

მოხმარების თავისებურებანი

ექსპლუატაციის პროცესში, დიზელ-გენერატორი საფრთხის შემცველია როგორც ადამიანებისათვის, ასევე, ობიექტებისათვის. ამიტომ აუცილებელია მათი რეგულარული ტექნიკური დათვალიერება და მომსახურება. იცოდეთ, რომ თავის დროზე არ აღმოჩენილი ხარვეზი, უარყოფითად იმოქმედებს დანადგარის გამართულობაზე. კრიტიკულ ვითარებაში, ელექტროენერგიის მოწოდების წყვეტის დროს, მან შეიძლება ვერ მოახერხოს ძირითადი დანიშნულების შესრულება! ამიტომ, მნიშვნელოვანია ტექნიკურ სამსახურთან მიმართვა, რომელიც უზრუნველყოფს დანადგარის დროულ, პერიოდულ შემოწმებასა და სერვისულ მომსახურებას, მთელი საექსპლოატაციო პერიოდის განმავლობაში.